صدفه بلا ميعاد سابق من مطار ابـو ظبـي
حطت مراكيب الغرام اللـي تشـد ارحالهـا
وقفت لي في موقف(ن)محرج وانا الحر الابي
اللي حمول الوقت لاثقلـت عليـه اشتالهـا
قوي باسي لاحني راسي ولاارخـي منكبـي
واللي عقد روس الحبال يحل روس احبالهـا
من عادني بأول اسنين العمر مااعرف احبي
ارقى واروم المرجله واتعب لها واسعى لهـا
واصبر ولو تحرمني الايام كـل اللـي ابـي
واعيش يومي والاماني شارب(ن) فنجالهـا
صدفه اخير من الوعد والحجز مغلق من دبي
قلنا نـروح ابـو ظبـي ويحلهـا حلالهـا
وقابلت من لالبست البرقع ولالبسـت عبـي
غنّت لها الدنيا وانـا اغنـي علـى موالهـا
استغفر الله من يلوم ابليس وابليـس يهبـي
لوحط سهمه بين حاجـب عينهـا وظلالهـا
المشكله انه عريف وامره ياتونسي يامغربي
امن نسائي والعـرب متشابهـه باشكالهـا
قلت اشهدوا ان لاالـه الاالله ومحمـد نبـي
والله يرحـم حالتـي والله يرحـم حالـهـا
الثلاثاء يوليو 13, 2010 7:29 am
